Ֆրանկոֆոնիայի միջազգային օրը նշվեց ֆրանկոֆոն երկրների կոմպոզիտորների ստեղծագործությունների ներկայացմամբ

22.03.2018

Մարտի 20-ին՝ Ֆրանկոֆոնիայի միջազգային օրը, Հայաստանի պետական սիմֆոնիկ նվագախմբի անսամբլ «Օտրի» տրիոն հանդես եկավ խորհրդանշական համերգային ծրագրով։ Երեկոյի ընթացքում հնչեցին ֆրանկոֆոն երկրների կոմպոզիտորների՝ Էմիլ Վալդթոյֆլի, Յան Սիբելիուսի, Կամիլ Սեն-Սանսի գործերը։ «Օտրի» տրիոն ունի երկու տարվա համերգային կենսագրություն։ Գործիքային կազմով՝ ջութակ, այլտ, ֆլեյտա, այն բացառիկ է։ Տրիոն ներկայացնում են ալտահար Արևիկ Կոսյանը, ջութակահար Անժելա Հովհաննիսյանը և ֆլեյտահար Ռուզաննա Թովմասյանը։ Երաժիշտները հանդես եկան ինչպես տրիոյով, այնպես էլ՝ դուետներով։ Երեկոյի ընթացքում տրիոյի երաժիշտների հետ ելույթ ունեցավ նաև Հայաստանի պետական սիմֆոնիկ նվագախմբի տավղահար Արփինե Բաբայանը։ Արամ Խաչատրյանի տուն-թանգարանում կայացած համերգը բացվեց տանտիրոջ՝ Արամ Խաչատրյանի «Գայանե» բալետից «Այշեի պարի» ներկայացմամբ։ Երեկոյի ընթացքում հնչեց նաև պրեմիերա՝ Վաչագան Հովհաննիսյանի «Le Stelle» տրիոն ֆլեյտայի, ջութակի և ալտի համար, որը գրվել է հատուկ «Օտրի» տրիոյի համար։ Անսամբլի երաժիշտները նշեցին, որ առաջիկայում ունեն մի շարք ծրագրեր. ապրիլի 7-ին հանդես են գալու Դիլիջանի UWC միջազգային դպրոցում Music of Armenia-ի կողմից իրականացվող «Կանանց երաժշտական միամսյակ» նախագծի շրջանակներում՝ եզրափակելով միջոցառումների շարքը։ Մայիսին համերգով ներկայանալու են Գորիսում։ Կան նաև մի շարք նախաձեռնություններ, որոնք կյանքի կոչելու ուղղությամբ տրիոյի երաժիշտներն աշխատում են։

Ավելին

Ներկայացվեց Մալթայի երաժշտական արվեստը

19.03.2018

Մարտի 17-ին «Արամ Խաչատրյան» համերգասրահում Հայաստանի պետական սիմֆոնիկ նվագախումբը Սերգեյ Սմբատյանի ղեկավարությամբ ներկայացրեց գեղեցիկ համերգային երեկո՝ անվանի մենակատարների մասնակցությամբ։ Ծրագրում հնչում էին մալթացի ժամանակակից կոմպոզիտոր Ալեքսեյ Շորի ստեղծագործությունները։ Սերգեյ Սմբատյանը նկատեց, որ համերգի ընթացքում ներկայացված գործերը հնչեցվելու են նաև ապրիլի 16-ից մայիսի 1-ը Վալետայում կայանալիք Մալթայի միջազգային երաժշտական փառատոնի ընթացքում, որտեղ Հայաստանի պետական սիմֆոնիկ նվագախումբը հրավիրված է որպես պաշտոնական նվագախումբ։ «Մենակատարները՝ դաշնակահարուհի Սոֆյա Վաշերուկը, ալտահար Յուրի Ջիսլինը, ջութակահար Յարոսլավ Նադրզիցկին, որոնք ելույթ ունեցան նվագախմբի հետ, մեծ ճանաչում ունեն, և մեզ համար կարևոր էր հանդես գալ նրանց հետ ու հետագայում նույնպես պահպանել համագործակցությունը»,- ասաց Սերգեյ Սմբատյանը։ Ջութակահար Յարոսլավ Նադրզիցկին 2010 թվականին Խաչատրյանի անվան միջազգային մրցույթում արժանացել է 1-ին մրցանակի։ Երաժիշտը հիշում է, որ խաչատրյանական մրցույթն իր առջև մեծ հեռանկարներ բացեց, հիանալի համերգներ, որոնց ընթացքում հանդիպեց մեծագույն անհատների՝ լեհ կոմպոզիտոր Քշիշտոֆ Պենդերեցկու, Սերգեյ Սմբատյանի և բազմաթիվ այլ մարդկանց հետ։ «Մրցույթից մեկ տարի հետո ես հնարավորություն ունեցա Երևանում հանդես գալու Մաքսիմ Վենգերովի ղեկավարությամբ, ինչն ուղղակի ֆանտաստիկ էր։ Խաչատրյանի մրցույթը իմ կյանքի ամենակարևոր հատվածներից է»,- ասաց Յարոսլավը։ Նա նաև նշեց, որ մրցույթի ընթացքում ինքը ներկայացրել է Արամ Խաչատրյանի Ջութակի կոնցերտը, ինչը հետագայում կատարել է նաև բազմաթիվ այլ բեմերում և բազմաթիվ նվագախմբերի հետ։ Յարոսլավ Նադրզիցկին հաճախ է ելույթներով հանդես գալիս Երևանում, նա խոստովանում է, որ իրեն Հայաստանի հետ կապում են մարդիկ, ջերմ հանդիսատեսը. «Ես գիտեմ, որ հայերը մեծագույն ազգ են, միլիոնավոր հայեր են ապրում տարբեր երկրներում, և որտեղ էլ լինեմ, միայն լավն եմ լսում հայերի մասին»։ Խոսելով Շորի երաժշտության մասին՝ Նադրզիցկին նկատեց, որ նրա մեղեդին հաճելի ու դրական է. «Ես հաճելի զգացողություններ եմ ունենում, երբ ներկայացնում եմ նրա գործերը։ Շորն […]

Ավելին

Հայ կոմպոզիտորական արվեստի փառատոնը հայկական երաժշտական ժառանգությունը բերում է 21-րդ դար

19.03.2018

«Հայ կոմպոզիտորական արվեստի փառատոնը շատ կարևորում ենք. այն նեղ մասնագիտական ուղղվածություն ունի, մեծ նպատակ ու առաքելություն»,- մարտի 14-ին Sputnik Արմենիա  մամուլի կենտրոնում հրավիրված ասուլիսի ընթացքում ասաց փառատոնի կազմակերպիչ՝ Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։ Ըստ մաեստրո Սմբատյանի՝ առաջին իսկ օրից փառատոնի նպատակն է մեր հասարակության, ինչու ոչ, աշխարհի համար բացահայտել մեր արժեքները, հայկական երաժշտական ժառանգությունը բերել 21-րդ դար։ «Գրիգոր Եղիազարյանը հայկական կոմպոզիտորական դպրոցի լավագույն ներկայացուցիչներից է, և փառատոնի շնորհիվ նոր շունչ ստացավ։ Հայ կոմպոզիտորական արվեստի փառատոնը ոչ միայն համերգային ծրագրեր է ներառում, այլև մեծ աշխատանք է կատարում մշակութային արժեքների պահպանման գործում՝ ձայնագրություններ, թվայնացումներ և այլն»,- ասաց մաեստրո Սմբատյանը։ Կոմպոզիտոր Վարդան Աճեմյանը բարձր է գնահատում Հայ կոմպոզիտորական արվեստի փառատոնը. «Մենք ունենք հիանալի կոմպոզիտորներ, որոնք կարծես մի փոքր մոռացված են։ 20-րդ դարը Հայաստանին տվել է անվանի կոմպոզիտորների՝ Կոմիտաս, Ալեքսանդր Սպենդիարյան, Արամ Խաչատրյան, Գրիգոր Եղիազարյան, Հարո Ստեփանյան, Առնո Բաբաջանյան, Սարյան, Միրզոյան… Մենք պետք է պահպանենք նրանց ստեղծած արժեքները, և այդ գործն այսօր ստանձնել է Հայաստանի պետական սիմֆոնիկ նվագախումբը՝ իր ղեկավարի հետ, ինչի համար անչափ շնորհակալ ենք։ Գրիգոր Եղիազարյանը չի հնչել տասնյակ տարիներ։ Նա գրել է բազմաթիվ սիմֆոնիկ ստեղծագործություններ, որոնք ժամանակին կատարվել են տարբեր երկրներում և փառք ու պատիվ են բերել մեր երկրին»,- ասաց պարոն Աճեմյանը։ Հայ կոմպոզիտորական արվեստի փառատոնի գեղարվեստական մասի պատասխանատու Սարգիս Բալբաբյանի տեղեկացմամբ՝ մարտի 5-9-ը փառատոնի ընթացքում կայացել է 5 կամերային համերգ, որոնց ընթացքում հնչել են Գրիգոր Եղիազարյանի կամերային ստեղծագործությունները, ինչպես նաև՝ հայ դասական և ժամանակակից կոմպոզիտորների գործերը։ Սարգիս Բալբաբյանը, խոսելով Գրիգոր Եղիազարյանի գործերի թվայնացման գործընթացի մասին, նկատեց, որ կոմպոզիտորի արխիվից շատ քիչ բան է մեզ այսօր հասանելի, շատ բաներ ցավոք չեն պահպանվել։ Ժամանակին […]

Ավելին

Բացահայտել, արժևորել, տարածել. ամփոփվեց Հայ կոմոզիտորական արվեստի 9-րդ Փառատոնը

10.03.2018

Հայ կոմպոզիտորական արվեստի 9-րդ փառատոնը՝ Գրիգոր Եղիազարյան-Ֆեստը հատեց եզրագիծը: Մարտի 9-ին Արամ Խաչատրյանի տուն-թանգարանում կայացավ փառատոնի փակման համերգը: Երեկոյին ներկայացվեցին Գրիգոր Եղիազարյանի, Բարսեղ Կանաչյանի, Էդուարդ Աբրահամյանի, Ալեքսանդր Հարությունյանի, Վաչե Շարաֆյանի, Անտոն Մաիլյանի, Էդուարդ Հայրապետյանի, Առնո Բաբաջանյանի, Ալեքսանդր Հարությունյանի ստեղծագործությունները: Համերգին իրենց բարձր կատարողականության ելույթներով հանդես եկան  դաշնակահարներ Արմեն Սահակյանը, Խաչիկ Անդրեասյանը, Արթուր  Գրիգորյանը, Արմեն Աղաջանյանը, Մարտին Շահբազյանը, Արմեն Պուչինյանը, թավջութակահար Անդրանիկ Աղաջանյանը, ջութակահար Պոլինա Շարաֆյանը, դուդուկահար Գագիկ Հակոբյանը: Այս տարի երաժշտական տոնը նվիրված էր կոմպոզիտոր, մանկավարժ, ԽՍՀՄ ժողովրդական արտիստ Գրիգոր Եղիազարյանի 110-ամյակին։  Հայաստանի պետական սիմֆոնիկ նվագախմբի նախաձեռնությամբ իրականացվող փառատոնն 9-րդ անգամ իրականացվում էր Հայաստանի հանրապետության նախագահ Սերժ Սարգսյանի հովանու ներքո, ՀՀ մշակույթի նախարարության աջակցությամբ: Գրիգոր Եղիազարյանը հայ արդի կոմպոզիտորական դպրոցի հիմնադիրներից է։ Նրա սաներից են Ալեքսանդր Աճեմյանը, Էմին Արիստակեսյանը, Գրիգոր Հախինյանը, Էդգար Հովհաննիսյանը, Գեղունի Չթչյանը, Մարտուն Իսրայելյանը և բազմաթիվ այլ կոմպոզիտորներ։ Փառատոնի շրջանակում անցկացված 5 համերգային երեկոների ընթացքում ևս մեկ անգամ վերաարժևորվեցին Եղիազարյանի, նրա սաների և հայ կոմպոզիտորների մի շարք կամերային ստեղծագործություններ: Փառատոնային հինգ համերգային երեկոների ընթացքում հայ հանդիսատեսը հնարավորություն ունեցավ ունկնդրել շուրջ 25 հայ կոմպոզիտորի ավելի քան երեսուն ստեղծագործություն: Համերգներից յուրաքանչյուրը բացառիկ հնարավորություն էր կամերային ձևաչափով վայելելու հայ կոմպոզիտորների ստեղծագործությունները: Հատկանշական է, որ հնչած ստեղծագործություններից որոշները մատնված էին մոռացության: Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի նախաձեռնությամբ ու անմիջական ուշադրությամբ տարբեր արխիվներում ու ստեղծագործողների գրապահոցներում պահված նոտաները նոր շունչ են ստանում, դրվում գործածության մեջ՝ ընդգրկվելով համերգային երկացանկերում: Ինչպես հայտնի է, Հայ կոմպոզիտորական արվեստի 9-րդ փառատոնն այս տարի անցնում էր Գրիգոր Եղիազարյան-Ֆեստ խորագրով: Իրականացվեց նաև փառատոնի առանցքային նպատակներից մեկը՝ ձայնագրվեցին հնչած ստեղծագործությունները:

Ավելին

Սարյանի անվան լարային քառյակի ելույթը Գրիգոր Եղիազարյան-Ֆեստի շրջանակներում

09.03.2018

Հայ կոմպոզիտորական արվեստի 9-րդ փառատոնի շրջանակում կամերային համերգով հանդես եկավ Հայաստանի պետական սիմֆոնիկ նվագախմբի Սարյանի անվան լարային քառյակը: Կոմիտասի թանգարան-ինտիտուտի համերգասրահում անցկացված համերգի ընթացքում Հայաստանի պետական սիմֆոնիկ նվագախմբի կոլեկտիվը, որի կազմում ընդգրկված են երաժիշտներ Էրիկ Մանուկյանը (1-ին ջութակ), Անի Ադիկյանը (2-րդ ջութակ), Ելենա Հայրապետյանը (ալտ) և Դավիթ Պիչիկյանը (թավջութակ), ներկայացրեց Վարդան Աճեմյանի, Մարտին Վարդազարյանի, Մարտին Ուլիխանյանի, Ստեփան Լուսիկյանի ստեղծագործությունները: Սարյանի անվան լարային քառյակի համերգ-շնորհանդեսը կայացել է 2016թ. : Իր գոյության կարճ ժամանակահատվածում քառյակը հասցրել է արժանանալ երաժշտասեր հասարակության ուշադրությանը՝ կատարողական բարձր տեխնիկայի և բազմաժանր կամերային ստեղծագործությունների գերազանց կատարումների շնորհիվ: Ինչպես հայտնի է, Հայ կոմպոզիտորական արվեստի 9-րդ փառատոնն այս տարի նվիրված է մեծանուն հայ կոմպոզիտոր Գրիգոր Եղիազարյանի 110-ամյակին: Փառատոնն իրականություն է դառնում Հայաստանի պետական սիմֆոնիկ նվագախմբի ջանքերով:  Այս նախաձեռնությունը գտնվում է ՀՀ մշակույթի նախարարության ուշադրության կենտրոնում և կյանքի է կոչվում նախարարության հովանավորությամբ։ Ստեղծման առաջին իսկ օրից Հայ կոմպոզիտորական արվեստի փառատոնն անցկացվում է ՀՀ Նախագահ Սերժ Սարգսյանի բարձր հովանու ներքո։

Ավելին

Գրիգոր Եղիազարյան-Ֆեստ. Հայ կոմպոզիտորների կամերային ստեղծագործություններ

08.03.2018

Հայ կոմպոզիտորական արվեստի փառատոնն ուղղված է հայ դասական և ժամանակակից կոմպոզիտորների ստեղծագործությունների պրոպագանդմանը, հայ կոմպոզիտորական դպրոցի ավանդույթների պահպանմանը և աշխարհով մեկ դրա արդի նվաճումների ներկայացմանը: 9-րդ փառատոնի՝ Գրիգոր Եղիազարյան-Ֆեստի շրջանակում անցկացված հերթական երեկոն նվիրված էր հայ կոմպոզիտորների կամերային ստեղծագործություններին: Կոմիտասի թանգարան-ինստիտուտում անցկացված համերգային երեկոյին հնչեցին Ռիչարդ Յարդումյանի,  Հարություն Դելլալյանի, Նուբար Ասլանյանի, Կոնստանտին Պետրոսյանի կամերային ստեղծագործությունները: Նշենք, որ Հայ կոմպոզիտորական արվեստի 9-րդ փառատոնն այս տարի նվիրված է մեծանուն հայ կոմպոզիտոր Գրիգոր Եղիազարյանի 110-ամյակին: Փառատոնն իրականություն է դառնում Հայաստանի պետական սիմֆոնիկ նվագախմբի ջանքերով:  Այս նախաձեռնությունը գտնվում է ՀՀ մշակույթի նախարարության ուշադրության կենտրոնում և կյանքի է կոչվում նախարարության հովանավորությամբ։ Ստեղծման առաջին իսկ օրից Հայ կոմպոզիտորական արվեստի փառատոնն անցկացվում է ՀՀ Նախագահ Սերժ Սարգսյանի բարձր հովանու ներքո։ Հայ կոմպոզիտորական արվեստի փառատոնի գաղափարախոսությունն ավելին է, քան պարզապես համերգաշարի կազմակերպումը: Այսպիսով հանրահռչակվում, արվեստասեր ու նաև մասնագիտական հանրությանն են ներկայացվում հայ կոմպոզիտորների ստեղծագործությունները, որոնք որպես կանոն, պահվում են կոմպոզիտորների արխիվներում: Հատկանշական է, որ բացի հանդիսատեսին ներկայացվելը ստեղծագործությունների նոտաները թվայնացվում են, ինչպես նաև՝ ձայնագրվում:

Ավելին

Գրիգոր Եղիազարյան-Ֆեստ. հանրահռչակելով հայ կոմպոզիտորների արվեստը

07.03.2018

Հայ կոմպոզիտորական արվեստի 9-րդ փառատոնն այս տարի նվիրված է մեծանուն հայ կոմպոզիտոր Գրիգոր Եղիազարյանի 110-ամյակին: Փառատոնն իրականություն է դառնում Հայաստանի պետական սիմֆոնիկ նվագախմբի ջանքերով:  Այս նախաձեռնությունը գտնվում է ՀՀ մշակույթի նախարարության ուշադրության կենտրոնում և կյանքի է կոչվում նախարարության հովանավորությամբ։ Ստեղծման առաջին իսկ օրից Հայ կոմպոզիտորական արվեստի փառատոնն անցկացվում է ՀՀ Նախագահ Սերժ Սարգսյանի բարձր հովանու ներքո։ Գրիգոր Եղիազարյանը հայ արդի կոմպոզիտորական դպրոցի հիմնադիրներից է։ Նրա սաներից են Ալեքսանդր Աճեմյանը, Էմին Արիստակեսյանը, Գրիգոր Հախինյանը, Էդգար Հովհաննիսյանը, Գեղունի Չթչյանը, Մարտուն Իսրայելյանը և բազմաթիվ այլ կոմպոզիտորներ։ Գրիգոր Եղիազարյանը ստեղծագործել է հիմնականում սիմֆոնիկ և բալետի ժանրերում, գրել է սիմֆոնիկ պոեմներ, սիմֆոնիա, բալետներ, ռոմանսներ, թատրոնի և կինոերաժշտություն։ Փառատոնային հերթական համերգը կայացավ Արամ Խաչատրյանի տուն-թանգարանում: Հնչեցին Գրիգոր Եղիազարյանի կոմպոզիտոր-սաների ստեղծագործությունները: Հանդիսատեսը հնարավորություն ունեցավ վայելելու  Վաղարշակ Կոտոյանի, Վալերի Սարգսյանի, Գագիկ Հովունցի, Գեղունի Չթչյանի, Էդուարդ Բաղդասարյանի, Ալեքսանդր Աճեմյանի տարբեր տարիներ գրված գործերը: Հայ կոմպոզիտորական արվեստի փառատոնի գաղափարախոսությունն ավելին է, քան պարզապես համերգաշարի կազմակերպումը: Այսպիսով հանրահռչակվում, արվեստասեր ու նաև մասնագիտական հանրությանն են ներկայացվում հայ կոմպոզիտորների ստեղծագործությունները, որոնք որպես կանոն, պահվում են կոմպոզիտորների արխիվներում: Հատկանշական է, որ բացի հանդիսատեսին ներկայացվելը ստեղծագործությունների նոտաները թվայնացվում են, ինչպես նաև՝ ձայնագրվում: Հայաստանի պետական սիմֆոնիկ նվագախումբը կոնսերվատորիայի, անհատների արխիվներից հայտնաբերել է Գրիգոր Եղիազարյանի կամերային գործերը: Աշխատանքներ են իրականացվում կոմպոզիտորի սիմֆոնիկ ստեղծագործությունների նոտաները գտնելու, վերականգնելու, հետագայում՝ երկացանկում ընդգրկելու ուղղությամբ:

Ավելին

Գրիգոր Եղիազարյան ֆեստ. մեկնարկեց Հայ կոմպոզիտորական արվեստի 9-րդ փառատոնը

07.03.2018

Մարտի 5-ին Երևանում մեկնարկեց Հայ կոմպոզիտորական արվեստի 9-րդ փառատոնը: Յուրաքանչյուր տարի փառատոնը նվիրվում է  հայ կոմպոզիտորական արվեստի երախտավորներից մեկին: Այս տարի այն նվիրված է  կոմպոզիտոր, մանկավարժ, ԽՍՀՄ ժողովրդական արտիստ Գրիգոր Եղիազարյանի 110-ամյակին։ Գրիգոր Եղիազարյանը, ով  հայ արդի կոմպոզիտորական դպրոցի հիմնադիրներից է, ստեղծագործել է հիմնականում սիմֆոնիկ և բալետի ժանրերում, գրել է սիմֆոնիկ պոեմներ, սիմֆոնիա, բալետներ, ռոմանսներ, թատրոնի և կինոերաժշտություն։ Ստեղծման առաջին իսկ օրից Հայ կոմպոզիտորական արվեստի փառատոնն անցկացվում է ՀՀ Նախագահ Սերժ Սարգսյանի բարձր հովանու ներքո։ Փառատոնի կազմակերպիչն է Հայաստանի պետական սիմֆոնիկ նվագախումբը: Այս նախաձեռնությունը գտնվում է ՀՀ մշակույթի նախարարության ուշադրության կենտրոնում և կյանքի է կոչվում նախարարության հովանավորությամբ։ Փառատոնի բացման հանդիսավոր համերգին հնչեցին Գրիգոր Եղիազարյանի, Վահագն Վարդանյանի, Առնո Բանբաջանյանի, Սիմոն Հովհաննիսյանի, Գագիկ Հովունցի ստեղծագործությունները: Հատկանշական է, որ անցած տարիներին փառատոնի շրջանակներում ծավալուն աշխատանք է կատարվել. թվայնացվել են ավելի քան 50 հայ կոմպոզիտորների սիմֆոնիկ և կամերային ստեղծագործություններ, ձայնագրվել են ավելի քան 200 ստեղծագործություններ, կատարվել են հայ կոմպոզիտորների 150-ից ավելի ստեղծագործությունների պրեմիերաներ: Սա հսկայածավալ գործունեություն է, որ նպատակ ունի պահպանելու և զարգացնելու մեր մշակութային ժառանգությունը։ Հայաստանում, թերևս, երաժշտագիտական ոչ մի կառույց հայ կոմպոզիտորների գործերի հանրահռչակման ուղղությամբ նման մասշտաբի մասնագիտական գործունեություն չի իրականացնում։ Հայ կոմպոզիտորական արվեստի փառատոնի շրջանակներում թվայնացվել են նաև Գրիգոր Եղիազարյանի ստեղծագործությունների նոտաները, փորձեր են արվում հայտնաբերել կոմպոզիտորի արխիվները։ Նրա ստեղծագործությունների նոտաները հիմնականում ձեռագիր վիճակում են և շատ վատ պահպանված։ Մի քանի գործեր հրատարակվել են 1930-40-ական թվականներին։ Հայաստանի պետական սիմֆոնիկ նվագախումբը կոնսերվատորիայի, անհատների արխիվներից հայտնաբերել է Գրիգոր Եղիազարյանի կամերային գործերը, փորձում են գտնել նաև կոմպոզիտորի սիմֆոնիկ ստեղծագործությունները՝ դրանց նոտաները վերականգնելու և հետագայում երկացանկերում ընդգրկելու համար։ Գրիգոր Եղիազարյան ֆեստի ընթացքում կանցկացվեն 5 համերգային երեկոներ, որոնց ընթացքում կներկայացվեն ինչպես […]

Ավելին

«Հայկյան 2017»-ն անցկացվել է Հայաստանի պետական սիմֆոնիկ նվագախմբի նվագակցությամբ

01.03.2018

Փետրվարի 28-ին Ալ. Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ «Հայկյան 2017» մրցանակաբաշխությունը, որին ներկա էր ՀՀ Նախագահ Սերժ Սարգսյանը։ Հայաստանի երիտասարդական հիմնադրամի կազմակերպած ամենամյա այս մրցանակաբաշխությունն ավանդույթի համաձայն անցկացվում է Հայաստանի պետական սիմֆոնիկ նվագախմբի նվագակցությամբ։ Նվագախմբի հետ ելույթ ունեցան Հայաստանի հայտնի երգիչ-երգչուհիները՝ Գոռ Սուջյան, Հայկո, Սոնա Ռուբենյան, Էրիկ և այլք։ Ելույթ ունեցան նաև Կամո Սեյրանյանը, Երգի պետական թատրոնի երգիչները, «Բերդ» պարային համույթը։ Երեկոյի ընթացքում հանձնվեցին մրցանակներ երիտասարդական ոլորտում իրենց լավագույնս ցուցաբերած երիտասարդ գործիչներին, երիտասարդական կազմակերպություններին և լավագույն երիտասարդական ծրագրերին։ Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը «Լավագույն միջբուհական ծրագիր» անվանակարգում մրցանակը հանձնեց Հայ-ռուսական (սլավոնական) համալսարանի ուսանողական խորհրդին՝ «Միջբուհական մարզամշակութային և ինտելեկտուալ ունիվերսիադա» ծրագրի համար։

Ավելին

Գրիգոր Եղիազարյան ֆեստ. Հայ կոմպոզիտորական արվեստի 9-րդ փառատոնը կնվիրվի Գրիգոր Եղիազարյանի 110-ամյակին

23.02.2018

Մարտի 5-9-ը Երևանում կանցկացվի հայ կոմպոզիտորական արվեստի 9-րդ փառատոնը։ Ամենամյա երաժշտական այս նախագիծը յուրաքանչյուր տարի նվիրվում է հայ կոմպոզիտորական դպրոցի երախտավորներից մեկին։ Այս տարի փառատոնը նվիրված է կոմպոզիտոր, մանկավարժ, ԽՍՀՄ ժողովրդական արտիստ Գրիգոր Եղիազարյանի 110-ամյակին։ Գրիգոր Եղիազարյանը հայ արդի կոմպոզիտորական դպրոցի հիմնադիրներից է։ Նրա սաներից են Ալեքսանդր Աճեմյանը, Էմին Արիստակեսյանը, Գրիգոր Հախինյանը, Էդգար Հովհաննիսյանը, Գեղունի Չթչյանը, Մարտուն Իսրայելյանը և բազմաթիվ այլ կոմպոզիտորներ։ Գրիգոր Եղիազարյանը ստեղծագործել է հիմնականում սիմֆոնիկ և բալետի ժանրերում, գրել է սիմֆոնիկ պոեմներ, սիմֆոնիա, բալետներ, ռոմանսներ, թատրոնի և կինոերաժշտություն։ Ստեղծման առաջին իսկ օրից Հայ կոմպոզիտորական արվեստի փառատոնն անցկացվում է ՀՀ Նախագահ Սերժ Սարգսյանի բարձր հովանու ներքո։ Փառատոնի կազմակերպիչն է Հայաստանի պետական սիմֆոնիկ նվագախումբը: Այս նախաձեռնությունը գտնվում է ՀՀ մշակույթի նախարարության ուշադրության կենտրոնում և կյանքի է կոչվում նախարարության հովանավորությամբ։ Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը կարևորում է Հայ կոմպոզիտորական արվեստի փառատոնի անցկացումը։ «Մեզանում մշտապես նշում են, թե ժամանակակից կոմպոզիտորների գործերը չեն հնչում, սակայն Հայ կոմպոզիտորական արվեստի փառատոնը ճիշտ հակառակն է ապացուցում։ Փառատոնն ունի շատ կարևոր առաքելություն և նպատակ. մենք պետք է պահպանենք մեր ազգային մշակույթը, հասարակությունը նաև պետք է տեսնի մեր հերոսներին, նրանց, ովքեր կերտում են մեր ժամանակակից երաժշտությունը»,- ասաց Սերգեյ Սմբատյանը։ Նշենք, որ անցած տարիների ընթացքում փառատոնի շրջանակներում ծավալուն աշխատանք է կատարվել. թվայնացվել են ավելի քան 50 հայ կոմպոզիտորների սիմֆոնիկ և կամերային ստեղծագործություններ, ձայնագրվել են ավելի քան 200 ստեղծագործություններ, կատարվել են հայ կոմպոզիտորների 150-ից ավելի ստեղծագործությունների պրեմիերաներ: Սա հսկայածավալ գործունեություն է, որ նպատակ ունի պահպանելու և զարգացնելու մեր մշակութային ժառանգությունը։ Հայաստանում, թերևս, երաժշտագիտական ոչ մի կառույց հայ կոմպոզիտորների գործերի հանրահռչակման ուղղությամբ նման մասշտաբի մասնագիտական գործունեություն չի իրականացնում։ Հայ […]

Ավելին

Latest Videos