rsz_img_4864

«Պենդերեցկու այցելությունը Հայաստան մշակութային մեծ իրադարձություն է». Լեհաստանում ՀՀ դեսպան

17.02.2018

Այս օրերին Երևանի լեփ-լեցուն դահլիճներում և հանդիսատեսի բուռն ծափահարությունների ներքո ընթանում է Քշիշտոֆ Պենդերեցկու 85-ամյակին նվիրված փառատոնը։ Երաժշտասերը հնարավորություն ունի տարբեր ձևաչափերով համերգների ընթացքում ունկնդրելու ժամանակակից դասական երաժշտության ամենապահանջված կոմպոզիտորի՝ Պենդերեցկու ստեղծագործությունները։ Պենդերեցկին այսօր ամենահեղինակավոր երաժշտական գործիչներից է։ Նրա մեղեդիները հնչում են աշխարհի բոլոր ծայրերում՝ ամենահայտնի երաժիշտների ու նվագախմբերի կատարմամբ՝ ընդգրկելով բազմահազարանոց լսարաններ։ Փետրվարի 16-ին Կոմիտասի թանգարան-ինստիտուտի համերգասրահում Պենդերեցկու կամերային երաժշտության երեկո էր։ Ջութակահար Մարթա Կովալչեկի և դաշնակահար Սոմի Կիմի կատարմամբ հնչեց ջութակի և դաշնամուրի համար գրված թիվ 2 սոնատը, այնուհետև «Մեկորե» լարային քառյակը՝ Վոյցեխ Կոպրովսկի (առաջին ջութակ), Յարոսլավ Նադրզիցկի (երկրորդ ջութակ), Միխալ Բրիլա (ալտ), Կարոլ Մարիանովսկի (թավջութակ) կազմով, ներկայացրեց «Չգրված օրագրի էջեր» թիվ 3 լարային կվարտետը։ Ակորդեոնահար Մաչեյ Ֆրոնցկևիչի կատարմամբ էլ հանդիսատեսն ունկնդրեց Պենդերեցկու Սիմֆոնիետտան՝ փոխադրված մենանվագ ակորդեոնի համար։ Համերգի ունկնդիրների թվում էր Լեհաստանում Հայաստանի արտակարգ և լիազոր դեսպան Էդգար Ղազարյանը։ Դեսպանը նշեց, որ Պենդերեցկին այն գործիչն է, ում այցելությունը ցանկացած երկիր տոն է այդ երկրի մշակութային հասարակության համար։ «Մեզ համար այս այցելությունն ունի առանձնակի կարևորություն, քանի որ մաեստրոն ունի հայկական արմատներ, և ինքը, ընդունելով իր հայկական արմատները, որոշակիորեն նաև հայ-լեհական բարեկամության մի գեղեցիկ խորհրդանիշ է։ Պենդերեցկու այցելությունը Հայաստան մշակութային մեծ իրադարձություն է»,- ասաց Էդգար Ղազարյանը։ Ջութակահար Մարթա Կովալչեկն ու դաշնակահար Սոմի Կիմը Պենդերեցկու ջութակի և դաշնամուրի համար գրված թիվ 2 սոնատը առաջին անգամ միասին ներկայացրել են 2015 թվականին Լոնդոնում կայացած համերգի ընթացքում։ Սոմի Կիմի համար Պենդերեցկու երաժշտությունը զարմանահրաշ մի երևույթ է, որի մեջ աստիճանաբար ավելի ու ավելի հետաքրքիր երանգներ ես բացահայտում։ Մարթա Կովալչեկի կարծիքով՝ Պենդերեցկին 20-21-րդ դարերի մեծագույն կոմպոզիորներից է։ Ջութակահարուհին խոստովանեց, որ Պենդերեցկու մեծ երկրպագուն է։ Նրա երաժշտությունը շատ յուրահատուկ է, ինչը ստիպում է […]

Ավելին

rsz_img_4671

Պենդերեցկու երգչախմբային ստեղծագործությունների խորությունը մեծապես հուզել էր հանդիսատեսին

16.02.2018

Ժամանակակից դասական երաժշտությունն անհնար է պատկերացնել առանց լեհ կոմպոզիտոր, դիրիժոր և ջութակահար Քշիշտոֆ Պենդերեցկու արվեստի։ Համարձակ նորարարություն, հետաքրքիր մտածողություն, միաժամանակ՝ ֆունդամենտալություն. այսպես կարելի է բնութագրել Պենդերեցկու ստեղծագործությունը։ Հայ հանդիսատեսը փետրվարի 13-17-ը հնարավորություն ունի շփվելու այս հետաքրքիր, ինքնատիպ մտածողությամբ մեր ժամանակների մեծագույն կոմպոզիտորի բազմաժանր երաժշտության հետ։ Չորս համերգային ծրագրերը, որոնք տեղի են ունենում Պենդերեցկու 85-ամյակին նվիրած փառատոնի և «Պենդերեցկու օրերը Հայաստանում» չորրորդ համերգաշարի շրջանակներում, մեր երաժշտասերներին մատուցում են բարձրակարգ երաժշտություն։ Փետրվարի 15-ին Կոմիտասի անվան կամերային երաժշտության տանը «Հովեր» պետական կամերային երգչախումբը՝ խմբավար Սոնա Հովհաննիսյանի ղեկավարությամբ, ներկայացրեց Պենդերեցկու երգչախմբային երաժշտությունը։ «Հովերն» իր բարձր կատարողականությամբ հնչեցրեց De profundis-ը, Veni Creator «Ստաբատ մատեր» շարքից, Prosimy Cie «Քադիշ» շարքից, «Քերուբիմ» երգը, Ագնուս դեյ Լեհական ռեքվիեմից և այլ ստեղծագործություններ։ «Հովերի» ձայնային բազմերանգությունն ու Պենդերեցկու ստեղծագործությունների խորությունը մեծապես հուզել էին դահլիճում ներկաներին, որոնց թվում էին նաև Քշիշտոֆ Պենդերեցկին, նրա տիկինը՝ Էլժբետա Պենդերեցկան, դիվանագիտական կորպուսի ներկայացուցիչներ։ Հայաստանի երաժշտական ընկերության նախագահ Դավիթ Ղազարյանը ուրախությամբ է նշում, որ կոմպոզիտորական դպրոցի՝ համաշխարհային մեծության արվեստագետի երակներում նաև հայկական արյուն է հոսում։ «Պենդերեցկու երգչախմբային գործերն առանձնանում են։ Պենդերեցկու համար մարդկային ձայնը բոլորովին ուրիշ աշխարհ է, հատկապես երբ նա գրում է ակապելլա՝ առանց նվագակցության։ Մտածելակերպով, տիեզերական կապով բոլորովին այլ է Պենդերեցկին։ Ես առիթ եմ ունեցել նրան տեսնելու նաև դիրիժորական վահանակի մոտ, և բոլորովին այլ աշխարհ է Պենդերեցկու աշխարհը։ Մենք շնորհավորում ենք նրա 85-ամյակը, և հաճույքով ներկա կգտնվենք նրա ստեղծագործությունները ներկայացնող մյուս համերգներին»,- նշեց Դավիթ Ղազարյանը։ Պենդերեցկու փառատոնը կպարգևի ևս երկու համերգային երեկո. Այսօր` փետրվարի 16-ին, Կոմիտասի թանգարան-ինստիտուտի համերգասրահում կհնչեն Քշիշտոֆ Պենդերեցկու կամերային գործերը, իսկ փետրվարի 17-ին «Արամ Խաչատրյան» համերգասրահում կներկայացվի Յոթերորդ սիմֆոնիան՝ «Երուսաղեմի յոթ դարպասները» մեծակտավ ստեղծագործությունը։ Նշենք, որ Պենդերեցկու փառատոնն […]

Ավելին

rsz_img_4089

Էդուարդ Թոփչյան. «Պենդերեցկու սիմֆոնիկ մտածողությունը, ստեղծագործության հնչողությունը շատ յուրահատուկ են»

14.02.2018

Փետրվարի 13-ին Քշիշտոֆ Պենդերեցկու Ջութակի թիվ 2 «Մետամորֆոզներ» կոնցերտի (մենակատար՝ Մարթա Կովալչեկ) և Հինգերորդ «Կորեական» սիմֆոնիայի ներկայացմամբ մեկնարկեց Պենդերեցկու 85-ամյակին նվիրված փառատոնը։ «Արամ Խաչատրյան» համերգասրահի բեմում էր Հայաստանի ազգային ֆիլհարմոնիկ նվագախումբը՝ գեղարվեստական ղեկավար և գլխավոր դիրիժոր Էդուարդ Թոփչյանի ղեկավարությամբ։ Դիրիժոր Թոփչյանը նշեց, որ Պենդերեցկին 60-ական թվականներին էքսպերիմենտալ, սուպերնոր երաժշտություն էր գրում, սակայն հետագայում վերադարձավ ակադեմիական երաժշտություն։ «Այդ երաժշտությունն անգնահատելի է։ Պենդերեցկու նմանին ես չգիտեմ։ Այսօր շատ դժվար է երաժշտություն գրելը, նույնիսկ չեմ հավատում, որ Մոցարտի պես մեկը ծնվի ու շատ լավ երաժշտություն գրի, քանի որ բոլոր նոտաների հետ կարծես թե ամեն բան արված է։ Բայց կա Պենդերեցկին՝ հավասար աշխարհի ամենամեծերին, որը, իսկական երաժշտության վրա խաչ չքաշելով, հրաշալի արվեստ է ստեղծում: Նրա նման երկրորդին ես չեմ ճանաչում։ Նրա սիմֆոնիկ մտածողությունը, ստեղծագործության հնչողությունը շատ յուրահատուկ են»,- ասաց Էդուարդ Թոփչյանը։ Լեհ ջութակահար, միջազգային մրցույթների դափնեկիր Մարթա Կովալչեկը Հայաստանում ելույթ էր ունենում առաջին անգամ։ Ներկայացնելով իր տպավորությունները՝ ջութակահարուհին նշեց, որ երևանյան համերգը միշտ մնալու է իր հիշողության մեջ՝ հրաշալի նվագախմբի և ջերմ հանդիսատեսի շնորհիվ։ Նա հույս հայտնեց, որ իր համագործակցությունը ֆիլհարմոնիկ նվագախմբի հետ կշարունակվի։ Մարթա Կովալչեկը, անդրադառնալով Պենդերեցկու ստեղծագործություններին, նշեց, որ դրանք բարդ, բայց միևնույն ժամանակ շատ գեղեցիկ են, և իր համար մեծ պատիվ է կատարել Պենդերեցկու ստեղծագործությունները։ Պենդերեցկու 85-ամյակին նվիրված փառատոնն անցկացվում է ՀՀ Նախագահի տիկին Ռիտա Սարգսյանի հովանու ներքո։ Երաժշտական այս տոնը ՀՀ մշակույթի նախարարության աջակցությամբ կազմակերպել են Հայաստանի պետական սիմֆոնիկ նվագախումբը, Հայաստանի ազգային ֆիլհարմոնիկ նվագախումբը, «Երևանյան հեռանկարներ» միջազգային երաժշտական փառատոնը։ Առաջիկա օրերին` մինչև փետրվարի 17-ը, փառատոնի շրջանակներում սպասվում են ևս երեք համերգներ, որոնց ընթացքում կներկայացվեն Պենդերեցկու կամերային և սիմֆոնիկ գործերը։  Փետրվարի 15-ին Կոմիտասի անվան կամերային երաժշտության […]

Ավելին

rsz_img_3955

Քշիշտոֆ Պենդերեցկի. «Հայաստանում ես լսում եմ հիանալի երաժշտություն ամենաբարձր մակարդակով»

13.02.2018

Այսօր երեկոյան «Արամ Խաչատրյան» համերգասրահում կտրվի մեր ժամանակների մեծագույն երաժիշտներից մեկի՝ լեհ կոմպոզիտոր և դիրիժոր Քշիշտոֆ Պենդերեցկու  փառատոնի մեկնարկը՝ նվիրված երաժշտի 85-ամյա հոբելյանին։ ՀՀ մշակույթն նախարար Արմեն Ամիրյանն այս առիթով հրավիրված ասուլիսում նշեց, որ յուրաքանչյուրի համար մեծ պատիվ և ուրախություն է գտնվել մեր ժամանակների լավագույն երաժիշտներից մեկի կողքին և հյուրընկալել նրան, առավել ևս հյուրընկալել նրա 85-ամյա հոբելյանի առթիվ։ «Հոբելյանական տարվա ընթացքում աշխարհի տարբեր երկրներում նշվելու է մաեստրոյի 85-ամյակը, և մեզ համար մեծ պատիվ է, որ հոբելյանական միջոցառումների շարքը սկսվում է Հայաստանի մայրաքաղաք Երևանից։ Քշիշտոֆ Պենդերեցկին համաշխարհային մեծության աստղ է, մարդ, ով իր երաժշտությամբ կարողացավ փոխել աշխարհը, մարդ, ով իր արվեստով գունավորեց մեր կյանքն ու ապագան»,- ասաց Արմեն Ամիրյանը։ ՀՀ մշակույթի նախարարը մեջբերեց նաև մի հատված Քշիշտոֆ Պենդերեցկու հարցազրույցից, որտեղ մաեստրոն ընդգծել է, որ իր ստեղծագործական աշխարհի վրա լրջագույն ազգեցություն են ունեցել երկու կոմպոզիտորներ՝ Բախը և Կոմիտասը։ Պենդերեցկին նաև ավելացրել է` զարմանալի և յուրահատուկ երևույթ է, երբ կոմպոզիտորը նաև հերոս է, իսկ Կոմիտասը հենց այդպիսին է։ Ինքը՝ Քշիշտոֆ Պենդերեցկին նշեց, որ իր համար կարևոր է այն հանգամանքը, որ Հայաստանում նման փառատոն է տեղի ունենում. «Ես տիկնոջս հետ միշտ սիրով եմ ժամանում Հայաստան։ Հայաստան գալով՝ ես լսում եմ հիանալի երաժշտություն ամենաբարձր մակարդակով, և ամենակարևորը՝ հրաշալի մարդկանց ենք այստեղ հանդիպում։ Ես զգում եմ ինձ այստեղ՝ ինչպես տանը։ Ցավում եմ, որ միայն հայոց լեզվին չեմ տիրապետում»։ Պատասխանելով հայկական թեմաներով իր ստեղծագործությունների մասին լրագրողի հարցին՝ կոմպոզիտորը նշեց, որ հայկական արմատներ ունի. տատը Սպահանից էր։ Մի քանի տարի առաջ գրել է ստեղծագործություն՝ 3-րդ սաղմոսը՝ նվիրված Ցեղասպանության 100-րդ տարելիցին։ «Ամեն անգամ Հայաստանում ունկնդրում եմ իմ գործերը։ Հրաշալի դիրիժորներ ունեք, որոնց ղեկավարությամբ ներկայացվում […]

Ավելին

Penderecki JubileeFestinArmenia

Հայաստանը Պենդերեցկու երաժշտության կենտրոն

13.02.2018

2018 թվականին նշվում է մեր ժամանակների մեծագույն երաժիշտներից մեկի՝ լեհ կոմպոզիտոր Քշիշտոֆ Պենդերեցկու ծննդյան 85 ամյակը: Փետրվարի 13-17-ը Հայաստանում կկայանա Քշիշտոֆ Պենդերեցկի -85՝ ‹‹Պենդերեցկու օրերը Հայաստանում›› խորագրով 4-րդ միջազգային հոբելյանական Փառատոնը: Փառատոնային 4 համերգների ընթացքում կհնչեն կոմպոզիտորի սիմֆոնիկ և կամերային ստողծագործությունները: Նախատեսված են հայաստանյան պրեմիերաներ: Մասնավորապես՝ Ջութակի 2-րդ կոնցերտը՝ ‹‹Մետամորֆոզներ››, ինչպես նաև ‹‹Երուսաղեմի յոթ դարպասները››  մեծակտավ սիմֆոնիաները հայ ունկնդրին կներկայացվեն առաջին անգամ: Հատկանշական է, որ Փառատոնն իր շուրջն է համախմբել հայաստանյան տարբեր կոլեկտիվներ. ելույթ կունենան Հայաստանի պետական սիմֆոնիկ նվագախումբը (գեղարվեստական ղեկավար և գլխավոր դիրիժոր՝ Սերգեյ Սմբատյան), Հայաստանի ազգային ֆիլհարմոնիկ նվագախումբը (գեղարվեստական ղեկավար և գլխավոր դիրիժոր՝ Էդուարդ Թոփչյան), «Հովեր» պետական կամերային երգչախումբը (խմբավար՝ Սոնա Հովհաննիսյան), ինչպես նաև՝ արտերկրից ժամանած անվանի մենակատարներ։ Փառատոնն իր ներկայությամբ կպատվի մեծ կոմպոզիտորը: Հայաստանի պետական սիմֆոնիկ նվագախումբը (նախկինում՝ Հայաստանի պետական երիտասարդական նվագախումբ) և դիրիժոր Սերգեյ Սմբատյանը մաեստրո Քշիշտոֆ Պենդերեցկու հետ արդեն իսկ ունեն ձևավորված համագործակցություն: Քշիշտոֆ Պենդերեցկու 85- ամյակին նվիրված  հոբելյանական փառատոնի  ընթացքում հայ հանդիսատեսին առաջին անգամ կներկայացվի Պենդերեցկու հիասքանչ ստեղծագործությունը՝ Symphony No.7 “Seven Gates of Jerusalem”, որին մեծագույն անհամբերությամբ սպասում է թե հայ երաժշտասեր հանրությունը, թե պրոֆեսիոնալները: Նվագախումբը տարբեր բեմերում  կատարել է կոմպոզիտորի ստեղծագործությունները: Պենդերեցկին իր հայաստանյան այցերի ժամանակ նաև ղեկավարել է  Հայաստանի պետական սիմֆոնիկ նվագախումբը (Հայաստանի պետական երիտասարդական նվագախումբ): Հատկանշական է, որ Քշիշտոֆ Պենդերեցկին դեռևս տարիներ առաջ, հետևելով նվագախմբի գործունեությանը, ինչպես նաև անձամբ ղեկավարելով այն՝ նշանակալի ապագա էր կանխատեսել նվագախմբի համար: Այսպիսով, Փառատոնի կազմակերպիչներն ու մասնակից երաժիշտները բարձրարժեք ակադեմիական երաժշտության երեկոներ են խոստանում դասական երաժշտությունը գնահատող հայ ունկնդրին:

Ավելին

14609

Գեներալների մեջ՝ միակ կոմպոզիտորը և կոմպոզիտորների մեջ՝ միակ գեներալը. նշվեց Ալեքսեյ Հեքիմյանի 90-ամյա հոբելյանը

05.02.2018

Փետրվարի 2-ին Ալ. Սպենդիարյանի անվան օպերայի և բալետի ազգային ակադեմիական թատրոնի բեմում Ալեքսեյ Հեքիմյանի սիրված երգերն էին՝ առաջին անգամ սիմֆոնիկ նվագախմբի նվագակցությամբ և նոր գործիքավորմամբ: Հայաստանի պետական սիմֆոնիկ նվագախմբի կողմից կազմակերպված համերգը նվիրված էր Հեքիմյանի 90-ամյակին։ Երեկոյին ներկա էր ՀՀ Նախագահի տիկին Ռիտա Սարգսյանը, ում հովանու ներքո էլ անցկացվում էր հոբելյանական համերգը։ Հանդիսությանը ներկա գտնվելու համար Երևան էին ժամանել Ալեքսեյ Հեքիմյանի որդիները՝ Միքայելը և Ռաֆայելը։ Համերգի հատուկ հյուրերն էին Հեքիմյանի վաղեմի բարեկամներ Նանի Բրեգվաձեն և Վախթանգ Կիկաբիձեն։ Կիկաբիձեն հիշեց իր առաջին հանդիպումը Հեքիմյանի հետ. իրեն զանգել էր Վրաստանի պետական անվտանգության կոմիտեի նախագահի տեղակալը և ասել, որ Մոսկվայից ժամանել է ոստիկանության գեներալ Ալեքսեյ Հեքիմյանը, ով իր համար երգեր է գրել, պետք է գալ և ձայնագրել դրանք։ «Ես միանգամից ասացի՝ ոչ։ Բայց դե ինձ տարան, տեսնեմ իմ առջև կանգնած է համազգեստով ու մեծ աստղեր ունեցող ուսադիրներով Հեքիմյանը։ Ասաց՝ Վախթանգ, ես Ձեզ համար 14 երգ եմ գրել և ցանկանում եմ, որպեսզի կատարեք։ Ես երբեք չէի լսել։ Ասացի՝ միայն երկու շիշ կոնյակ բերեք։ Եվ 3 ժամում ձայնագրեցինք այդ 14 երգը։ Այստեղից էլ սկիզբ առավ մեր բարեկամությունը։ Հաճախ էի նրանց տանը լինում, հրաշալի կին ուներ, շատ համեղ տոլմա էր պատրաստում։ Ցավոք, կյանքն այնպիսի բան է, որ մարդիկ հեռանում են»,- պատմում է Կիկաբիձեն ու ավելացնում, որ Հեքիմյանը շատ լավ մելոդիստ էր, երաժշտությունը նրա մեջ էր, հորդում էր նրա հոգուց։ Նանի Բրեգվաձեն երեկոյի ընթացքում ներկայացրեց «Снегопад» երգը՝ նոր գործիքավորմամբ։ Երգչուհին նշեց, որ Հեքիմյանն ինքն է իրեն առաջարկել կատարել այս ստեղծագործությունը, այն հետագայում սիրվեց երաժշտասերի կողմից, և այս երգից հետո իրեն սկսեցին հաճախ անվանել «Снегопад»։ Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր […]

Ավելին

20621273_10155023781964247_7604659074014769346_n

Հայաստանի պետական սիմֆոնիկ նվագախմբի հետ հանդես կգա լիբանանահայ սոպրանո Շողիկ Թորոսյանը

29.01.2018

Փետրվարի 7-ին Հայաստանի պետական սիմֆոնիկ նվագախմբի հետ ելույթ կունենա լիբանանահայ սոպրանո Շողիկ Թորոսյանը։ Շողիկ Թորոսյանն իր ուրույն դերն ունի Լիբանանի մշակութային կյանքում։ Նա ելույթներով հանդես է եկել աշխարհի տարբեր բեմերում՝ համագործակցելով անվանի երաժիշտների ու կոլեկտիվների հետ։ Նա իր համերգային ծրագրերում, որպես կանոն, հնչեցնում է Կոմիտաս, հոգևոր երաժշտություն, հայ կոմպոզիտորների երգեր ու ռոմանսներ, ինչպես նաև՝ արիաներ հայկական և արևմտաեվրոպական օպերաներից: Երգչուհին հանդես է գալիս Կիլիկիո Կաթողիկոսության «Շնորհալի» և Համազգայինի «Գուսան» երգչախումբերի կազմում՝ որպես գլխավոր մենակատար: Նա ելույթներ է ունեցել նաև Հայաստանում։ Երգչուհին ձայնագրել է երկու խտասալիկ՝ «Փունջ մե շարականներ» և «Մեղեդիներ, տաղեր և գանձեր» խորագրերով: Շողիկ Թորոսյանը ծավալում է նաև մանկավարժական գործունեություն. դասավանդում է համազգայինի «Բարսեղ Կանաչյան» երաժշտանոցում և Հայ Ավետարանական կետրոնական բարձրագույն վարժարանում։ Փետրվարի 7-ին երևանյան համերգի ընթացքում հնչելու են Վոլֆգանգ Ամադեուս Մոցարտի, Ֆրանց Շուբերտի, Ջակոմո Պուչինիի, ինչպես նաև հայ կոմպոզիտորների՝ Կոմիտասի, Բարսեղ Կանաչյանի, Տիգրան Չուխաջյանի, Ալեքսանդր Հարությունյանի, Առնո Բաբաջանյանի, Ստեփան Շաքարյանի, Էդգար Գյանջումյանի, Գևորգ Մանասյանի, Գաբրիել Երանյանի, Արտեմի Այվազյանի հանրահայտ երգեր և արիաներ։

Ավելին

27479630_10215337530970176_1876270712_o

Պետական սիմֆոնիկ նվագախումբը ելույթ է ունեցել Բանակի օրվան նվիրված հանդիսավոր արարողությանը

28.01.2018

Հունվարի 28-ին Ալ. Սպենդիարյանի անվան օպերայի և բալետի ազգային ակադեմիական թատրոնում Հայաստանի պետական սիմֆոնիկ նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ, ելույթ է ունեցել Բանակի օրվան նվիրված հանդիսավոր արարողությանը։ Տոնական համերգին ներկա էին ՀՀ Նախագահ Սերժ Սարգսյանը և տիկին Ռիտա Սարգսյանը։ Հայաստանի Հանրապետության զինված ուժերի կազմավորման 26-ամյակին նվիրված երեկոն, որ անցնում էր պետական սիմֆոնիկ նվագախմբի նվագակցությամբ, կրում էր «Հաղթանակների դար» խորագիրը:

Ավելին

pers138531535999

Հեքիմյանի սիրված երգերն առաջին անգամ կներկայացվեն սիմֆոնիկ նվագախմբի նվագակցությամբ. համերգի հատուկ հյուրեր՝ Վախթանգ Կիկաբիձե, Նանի Բրեգվաձե

27.01.2018

Փետրվարի 2-ին` ժամը 19.00, Ալ. Սպենդիարյանի անվան ազգային ակադեմիական թատրոնում Հայաստանի պետական սիմֆոնիկ նվագախումբը, գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ, կներկայացնի Ալեքսեյ Հեքիմյանի սիրված ու սպասված երգերը։ Համերգն անցկացվում է Հայաստանի Հանրապետության Նախագահի տիկին Ռիտա Սարգսյանի հովանու ներքո և ՀՀ մշակույթի նախարարության աջակցությամբ։ Բացառիկ երեկոյի ընթացքում սիրված երգիչների կատարմամբ կհնչեն Ալեքսեյ Հեքիմյանի երգերի նոր մեկնաբանություններ: Համերգի հատուկ հյուրերն են Վախթանգ Կիկաբիձեն, Նանի Բրեգվաձեն: Հայաստանի պետական սիմֆոնիկ նվագախմբի հետ ելույթ կունենան Վախթանգ Կիկաբիձեն, Նանի Բրեգվաձեն, Շուշան Պետրոսյանը, Արսեն Սաֆարյանը, Արթուր Իսպիրյանը, Արսեն Գրիգորյանը, Արման Հովհաննիսյանը, Վարդան Բադալյանը, Համլետ Գևորգյանը, Էդգար Խաչատրյանը, Մաշա Մնջոյանը, Սարոն, Արփի Շահնուբարյանը, Ռազմիկ Ամյանը, Մհերը և Ռոզա Ֆիլբերգը, «Արցախի ձայները», Հայաստանի երգի պետական թատրոնի մենակատարները։ Առաջին անգամ Հեքիմյանի ամենահայտնի երգերը կներկայացվեն սիմֆոնիկ նվագախմբի նվագակցությամբ և նոր գործիքավորմամբ: Համերգը նվիրված է Ալեքսեյ Հեքիմյանի 90-ամյակին։

Ավելին

IMG_4014

«Հարությունյան» փայտափողային-դաշնամուրային քառյակը ներկայացրեց ֆրանսիական երաժշտություն Խաչատրյանի տանը

19.01.2018

Հունվարի 18-ին Արամ Խաչատրյանի տուն-թանգարանում «Երաժշտական հինգշաբթի Խաչատրյանի տանը» շարքի հյուրը Հայաստանի պետական սիմֆոնիկ նվագախմբի անսամբլ «Հարությունյան» փայտափողային-դաշնամուրային քառյակն էր՝ Լիլիթ Զաքարյան (դաշնամուր), Գևորգ Ավետիսյան (ֆլեյտա), Դավիթ Գյուլամիրյան (կլարնետ) և Նիկոլայ Պողոսյան (ֆագոտ) կազմով։ Նրանց էին միացել նաև դաշնակահարուհի, ՀՀ վաստակավոր արտիստ Անահիտ Ներսիսյանը և հոբոյահար Տիգրան Վարդանյանը։ Քառյակի երաժիշտները հանդես էին գալիս տարբեր անսամբլային կազմերով՝ դուետ, տրիո։ Երեկոյի ընթացքում հնչեցին ֆրանսիացի կոմպոզիտոր Ֆրանսիս Պուլենկի կամերային ստեղծագործությունները՝ սոնատ կլարնետի և ֆագոտի համար, սոնատ ֆլեյտայի և դաշնամուրի համար, դաշնամուրային սոնատ 4 ձեռքի համար, սոնատ կլարնետի և դաշնամուրի համար, տրիո հոբոյի, ֆագոտի և դաշնամուրի համար։ «Երաժշտական հինգշաբթի Խաչատրյանի տանը» նախաձեռնությունը 5-ամյա պատմություն ունի. մեկնարկել է այն ժամանակ, երբ նշվում էր հայ մեծ կոմպոզիտոր Արամ Խաչատրյանի 110-ամյակը։ Խաչատրյանի տուն-թանգարանի տնօրեն Արմինե Գրիգորյանի տեղեկացմամբ՝ նպատակը համերգային ծրագրերը թանգարանային այցելության հետ զուգակցելն է։ Համերգների ընդմիջումների ժամանակ ունկնդիրները հնարավորություն են ունենում շրջել թանգարանի ցուցասրահներում։ Արմինե Գրիգորյանը նկատում է, որ իրենք ձգտում են հանրությանը ներկայացնել որակյալ, թեմատիկ ծրագրեր։ Կլարնետահար Դավիթ Գյուլամիրյանը, անդրադառնալով համերգային ծրագրին, ասաց, որ իրենք մշտապես ներկայացնում են բարձրաճաշակ երաժշտություն, հանրությանը հայտնի կոմպոզիտորների լավագույն ստեղծագործությունները, և այս համերգային ծրագիրը բացառություն չէ։ Նա նշեց, որ ինքը և դաշնակահարուհի Լիլիթ Զաքարյանը բազմիցս ներկայացրել են Պուլենկի դաշնամուրի և կլարնետի համար գրված սոնատը, ինչը բավականին բուռն արձագանքների է արժանացել։ Եվ քանի որ Պուլենկն ունի ստեղծագործություններ նաև ֆագոտի և ֆլեյտայի համար, միտք առաջացավ «Հարությունյան» քառյակի կազմով ներկայացնել Ֆրանսիս Պուլենկի գործերը։ Նա վստահություն հայտնեց, որ երաժշտասեր հանրությունը կհավանի այդ երաժշտությունը։ Խոսելով «Հարությունյան» փայտափողային-դաշնամուրային քառյակի մասին՝ Դավիթ Գյուլամիրյանը նշում է, որ իրենց անսամբլի ապագան տեսնում է գունավոր, ցանկանում և ձգտում են հանդես գալ մեծ բեմերում։ Եվ այդ […]

Ավելին

Latest Videos